سوالاگر موبائل پر کوئی ناپاکی لگ جائے اور خشک ہونے کے بعد اگر گیلا ہاتھ اس پر لگ جائے تو کیا ہاتھ ناپاک ہوجائے گا ؟ نیز موبائل کو کیسے پاک کریں اس صورت میں؟

جواباگر موبائل پر گیلا ہاتھ لگنے کے بعد اس نجاست کا اثر (رنگ یا بو) ہاتھوں پر ظاہر ہوا ہو تو اس صورت میں ہاتھ ناپاک ہوں گے، ورنہ نہیں۔
باقی اگر کبھی موبائل ناپاک ہوجائے تو اس کے جو حصے دھونے سے خراب نہ ہوں ان کو دھولیاجائے اورجو خراب ہوتےہوں ان کو تین دفعہ گیلے کپڑے سے صاف کر لیا جائے، یا پیٹرول اور مٹی کے تیل سے بایں طور صاف کرلیا جائے کہ نجاست کا اثر زائل ہوجائے تو وہ پاک ہوجائے گا۔
فقط واللہ اعلم